Wednesday, December 1, 2010

Tera Lautna

Tera Lautna

Khamoshi bhi aaj chup ho gai hai
Aaj jo yaad mujhe teri aa gai hai
Ujaale ki barish aaj fir se nahi thamti
Zindagi me laut kar teri roshni aa gai hai

Akelepan ki saazish ka chhaya tha jo kohra
Aaj us dhundh me nazar tu aa gai hai
Palko me doobe hue khwab jo the thode
Lagta hai ki un khwabo me taazgi aa gai hai

Mere kamre me betartibi si faili hui cheeze
Wo niharti hain aise kit tu sanwarne aa gai hai
Meri kavitaye jo gumsum si dabi thi panno ke beech
Aaj jhoomti hain yun ki unki sureelee awaaz aa gai hai.

ashu